Muine loäbn Noahbas un Frünne!

Oäne Äostagischichte iut dänn Joahr 1945.

Doa ßatt Kämpas Käsken,wi jümma inna Iutlucht, kwalme ßuin’n Knasta, drank aff un teo soan bihdn van ßuin’n Machollan un dänn – kuia hoä wia’n Mund vull!

Diu Frettken, eck ßin just mett muin’n Gidanken ßäo an’n spazian. Eck was just toäggen Joahs truigge drommt, un niu wik di äok just votelln, wik dat däo däomoals was! – Däomoals, vo toäggen Joahs, doa heddn wui huia inna Iutlucht komische Buißoök.

Ett was in dänn leßtn Dahgen van’n gräodn Kruige! - - - - -

Dä Duitsken wöchen joäden Dach maia truiggedrihbn. Dä Ammis un Tommis koäm’m oaban Teuteburger - Wald jümma noäga, un dä Stroödens in iusa Gihgend woöan vull van Szoldoaden un näomoals Szoldoaden.

Oasse iuse Feldgrauen düa woäan, doa koäm’m dä annan. Oach, watt hadden dä oalle von Volk mettbroacht. Doa woöan äok Schwachte mett buigge. Käal, eck kann di ßeggen, dä mahken oalles mett, - dä ßoädn in’n Autos, dä foöan uppen Panzer, dä hedden ßümß ganze Kollonnen bläoß schwachte, schwachte Szoldoaden......

Un watt datt Unglücke woll, just dänn Oahmt vo Äostan, doa krihgen wui huia ubbn Hoaff ßoanne lüttke Gruppe doavan teo liggen. Oän Offeziar, dä kam oaß oäasta un ßeä, wui mössen oalle in’n 1. Stock; unnen doa kaim’m dä Amerikana niu hän.

Wui mössen iuda Iutlucht hariut. Oalles konn un mosse ßäo Stäohn bluibn, wick ett just ßäo stoand. Wuisken graip ßick ’n bihden Gischia, eck schnappe moe äok’n pa Plünnen, un stihbel wia noa boabn. Oasse wui uß ümmekihken, hedden wui watt grihben, woa wui nicks medde mahken kön’n. Datt oallanoödigste, datt stoand unna!

Wuisken woll ßick näo’n Oabbbedde haln, doach doa kamm oall son’n schwachtn Szoldoaden anspruingn un bölke: „Du obbe, nix das nach obbe!“ Minske, watt man in soanna Uppregung nich oalles vogitt. Wui hedden kain Mest, kaine Gobel, kain Lihpl, kain Bedde, kaine Decke,wui hedden oalles unna liggen loadn.

Un dänn fängen ßä doa unna an teo vespan! – Junge, Junge, eck ßegge di, Datt wassen Vespan, watt tügen doa fo lihbliche Düfte noa Boabn. Aff un teo kihken wui moall düat Trebbengelänna noa unna, oabba van dänn schön’n Sachen, doa krihgen wui man bläoß dänn Giruch.

Upp oänmoall fängen iuse Hoöhna achtan Hiuse ßäo schräckligen an teo jachtan. Wui ßügen düat Liukenlock, datt soan’n gräodn Schwachten doa medda Mäßfoaken achta dä Hoöhna teo stöachtn was. Hoä konn oabba kaint packen. Doafo oabba hädden ßä iusen Oäapott, dänn ßä in’n Källa fun’n hedden, wall bätt ubbn Grund lihch mahket.....

Ett dufte jümma, jümma wia van frisken noaa Spoägeloäan. Oasset wall bäole midd’n Nacht was, doa stoand iuse Schwaigadochta moall upp. Oach, ett woöa bäole buischwocht! Doa güngen dä Schwachten näomoall in’n Källa.....Un dänn wochet langsam Äostan! - -

Ett wasn truarigen Äostan. Wui ßoädn „Obbe“ un dä Ammis mett dänn Schwachten, dä ßoädn „Unne“....

Lange ßind dä Schwachten dänn doach nich doa blihbn. Oasse ßoä afftügn, doa häbt wui dä Iutlucht oeast moall oanick schrubbt. Un ßuit düssa Tuit, doa ßidde wui niu wuia hia.....

 Iuse Häagott woll gihbn, datt wui jümma huia inna Iutlucht ßidden kön’n; in Riuhe, in Frieden, ohne Kruig un ohne Schrecken, ohne Schwachte.....Jäo, jäo, wännt äok oalle Minsken ßind.

Oabba dä Negas, dä wui huia wall inna Iutlucht hatt hätt, dä waia ech muin Lihbedahge nich wia vogihden, beßonnas nich dänn langen, dä iuse Hoöhna mett dä Mäßfoaken packen woll, un nich oänt doavan krihgen hätt....