„.....n’ Schluck un’n Glas Boäa!“

von

Reinhilde Lübben und Heinrich Ottensmeier

 

Muine loäbn Noahbas un Frünne!

Wehmoäas Häam, Koacks Häam, Schombugs Willem, Tailn Willem un Helds August woöan ßäo Bengels van oäna Fean. Dütt Kurnrnelöttken hadde oall in dä Scheoljoahs inna Szuhbike 'n rnänniget Hihga- un Ekstannest iutnoahrn'rn, Fuias bott un Puttkernühlns rnahket. Äok mett Pluckbüssens, Sprützebüssens un Schloädas woöan ßä jümma geot voßoaget. Giwisse rnössen ßä fahken inna Scheole üan Äs hänhäoln, wänn üa dügenicksken Straiche anne gräodn Klocken kuhm'm woöan, oabba dä Kadde löätt datt Miusen nich !

Un niu was datt oalle vobui! Dä Scheolrnästa rniske ßick nich rnaia in un konn an dä Bückßens nich rnaia ankuhrn'rn. Szä woöan niu iuda Scheole un hedden kaine Klappbückßens rnaia anne! Nai, ßä heddn niu Bückßens mett Hosendregas! Joa, ßä woöan niu „gräode Käals“! Un watt fo gräode Käals! -Ett was bleoß schah, datt datt näo nich aolle wüssen, watt ßä fo Käals woöan! Joa, datt üa Äoln ßä näo fo Kinna hoäln, doa briuke man ßick nich wuida oba wunnan! Oäast witt dä Äoln dä Kinna gaian gräod häbbn, un wänn ßä dänn ßäo wuit ßind, dänn ßöt't jümma näo Kinna bluibn. Nai, datt wusse man wall! Oabba datt dä gräodn Jungens datt jümma näo nich loäbn wolln, datt fradde doach! –„Oabba, datt wi wuin buiwuisen!“ -Un wo kann man dat an'n bästn buiwuisen? -In'n Kreoge! Bui Boäa un Schluck! Doa ßütt man, wäa 'n Käal eß!

’n Szunndage hännig noa Middag, dräop ßick dä Klöa ubbn Widdel. Datt was joa mett dä Halflangen däornoals just oasse vondage. Van Wilhelrn Tell ßuin'n „Der Starke ist am mächtigsten allein“! hoäln ßä nich vihl. Halflange foöhlt ßick bleoß in 'n Troppe mächtig.

Un vondage was datt Oä niu iutbrott! Vondage maken ßä üa Gißel1nstücke, nai, ett ßoll oall rnaia 'n Mästastücke waian!

Oasse ßä oalle teohäope woöan, ßucken ßä dä Minna Stroade langes noan Tuiskreoge. Szä heddn ßick oäast oalle näon hesen Reot schnin un fitzen doamedde inna Luft harümme. Szä rnössen ßick 'n bidn buiuiln, dänn noa Väspatuit woöan dä gräodn Jungens inn'n Kreoge, dänn was fo üa kain Platz rnaia. Woänigstens kön'n ßä dänn nich oalle fuibe teohäope ßiddn!

Oäa datt ßä niu in 'n Kreog güngen, lehn ßä üa hesen Stöcker teoda Voßicht inne Peakrebben, dä biudn stoand. – Inna Waiatsstobn, dä ganz lihg was, güngen ßä rniddn an dän gräodn Starmmdisk ßiddn, rekeln ßick oannick un schüben dä Boäne wuit van ßick. Joa, ßä woöan doach „gräode Käals“ !

Medda Tuit kamm dä Tuiskroöga harin. Joa, dä Kliusmoäs Willern was Kroöga un Bua. Hoä was oabba maia Bua oasse Kroöga! Un doateo was hoä äok näo Vah van'n Tröppken Jungens! Dä Tuiskroöga was richtig voäakändig. Hoä fülle datt ganze Düalock iut. Wänn man ühn ankaik, dänn wusse man oall, datt hoä bui dä Gadeatlerie doänt hadde! Buißoannas buiwuise datt ßuin uppgiwickste Schnuaboat! - Oasse dä Kroöga ßick inne Gaststobn schäof, däo wöachen dä Boäne unnan Stammdiske oalln bidn köachta!

„Noa, Jungens, watt ßollt dänn ßuin?“ –„'n Schluck un'n Glas Boäa!“ –           „'n Schluck un'n Glas Boäa!“ -un ßäo güng datt fuifmoall! Ett kamm joa bui oalln ßoann bidn laipe hariut, oabba ßä woöan doach gräode Käals! - Dä Kroöga namm dä Buistellung an un ßeä bui ßuina gräodn Zigahn hea bleoß: „Schön!“ -Un dänn güng hoä noan Tresen un fummel doa harümme! -Noa, datt schwoäaste was obastoahn! Dä Fuibe kiken ßick oannick stolde an: „Szüsse wall, wui ßind doach Käals! Un datt woät abk dä Tuiskroöga!“ Ett dua man'n lüttket Schua, däo kamm dä Kroöga achta ßuin'n Tresn dänne wia an 'n gräodn Disk. In dä oäan 'n Hand hadde, hoä fuif Glesa, dä hoä in'nannastellt hadde, inna annan Hand droä Flasken „Brause“ un unnan Ahme äok näo twoä. Wui ßehn oalltuit „Sziusewahda medda Klitzkakugel“. Dä Probbn wassen glesan Kugel, dä man meddn Dium in dä Pulln drücken mosse. Vondage hett datt joa „Sprudel“ oadda watt woät eck! –„Szäo, Jungens, uppmaken weIl eck datt man, datt könn ji doach näo nich ßä richtjg!“ Un dänn schüdde hoä äok näo joädn datt Glas half vull. - Un niu namm Willem ßuin'n Platz achtan Tresn wia in.

Dä fuif „gräode Käals“ tuan un muan nich! Bleoß üa Dost woch upp oänmoall ßäo gräod, datt ßä tänga üan „Schluck un Glas Boäa“ iutdrünken, joäda ßuin 'n Szülbagrossen buitahle un uilig afftügen! Szä woöan ßäo uilig, datt ßä üa hesen Reot bäole inna Peakrebbn lingen lodn heddn! - Schulln hättße oäast, oasse ßä wia in'n Beokholde woöan un ett kaina maia hoäan konn! - Oabba dä Aikan, Ekstan un Higas inna Szubike ßöddn unrüssen Noamdag hatt häbbn!

                                                                                       Jiu Otto van'n Stickdoäan

 
 

pdf-datei