Muine loäbn Noahbas un Frünne!

Oach joa, watt hätt man nich oalles mett dä Kinna! Oallhand könntse oän'n dänn Kopp wahm un vodraigget mahken, datt manna ßäo obahäoln möche! Oabba maistentuit höält dä Äaga un Vodroät joa nich lange an, un dä Szunne krech wia dä Obahand. Ett eß man geot, datt nich Beok föat waiat oba oalle Nücke un Töhge, oba oalle Tihpkaruigge un dügennicksken Straiche. Dann hedde iuse Moäm'm 'n oägen Schruiba häbbn moßt. - Eck moäne, bui ßuin'n oägen Kinnan kihke man jümma wia in'n Spoägel, äok wänn doa oallhand kain wacka Bild iutlüchtet. Oabba datt Vogihbn un Vogihdn eß doach jümma datt beste inna Welt.

Niu ßäo vo Wuihnachen kann man joa äok fahken moall doäpa in dä Hachten van dä Gröddan kuiken. Man ßütt doach, datt ßä äok loäba Froöde mahket oasse Vodroät. Goät ett uß Gräodn fahken nich äok ßäo? - Oabba dä maisten Froöde mahket doach jümma näo dä lüttkestn Trabantenten, ßäolange ßä üa Moäm 'm näo ubbn Schäot träht un nich uppt Hachte! !

Oach, doa mott eck Ji doach van Fiusts üa lüttken Hertha votelln. Datt hett, ett eß niu ganich maia ßäo lüttk un eß niu oall ganich maia Fiusts üa Hertha. Doa eß doach vo länga Joahs ßoan'n streffen Mannsminsken kuhm'm un hätt Hertha oänfach ßuin'n Nam'm gihbn. Wänn wui däomoals äok näo anna Tuin heddn, ßäo hätt düsse Minske oabba doach oall dä Gluikbuirechtigung anerkinnt un hätt Hertha woänigstens ßuin 'n Vonam'm loadn. Oabba datt junge Luid hadde teo düssen Käal ßäovihl Teovotriun, datt ett oänfach iut dä gräodn Stadt anna Elbe mettgoahn eß uppt Land, in dä Buaruigge. Eck moäne, doa hoäa oall Lussen un Meot teo, dänn ßüß esset doach maistentuit ümmegekaiat. Oabba Hertha hätt datt bätt vondahge näo nich moögget. Ett hätt bleoß oäne Szoage, datt doa oänes geon Dahges wia ßoän'n jungen streffen Minsken kümmt un üa dä oägen Doachta wägghalt.

Oabba eck woll Ji doach van dänn ganz lüttken Hertha votelln! Ett hadde oall oasse Kuind 'n geot Gimoöde un hätt ßick datt äok düa oalle Näot un düa oalln Kumma buiwaht. Doa kann nich bleoß dä oägen Mannsminske un dä oägen Kinna geot vo ßeggen, nai, datt könnt äok dä Kinna iuda Noahbaskopp buituigen.

Ett was in dä Tuit, oasse in Hamburg dä Oäa 'n Häafst hän näo elbn Pännge kossen. Hertha hadde inna Scheole ok oall mett dä Pänge teo däon. Dä wöachen äok van dä Kinna näo maia achtet oasse vondahge. Un niu günket dänn oall bäole upp Wuihnachen teo. Wui fängen joa äok oall in'n Häafst an un telln dä Dahge. Oabba Hertha hadde anna Szoagen. Huia günket nich ümmet Kruigen, soannan ürnmet Gihbn. Vah un Moäm'm ßolln äok watt upp Wuihnachen häbbn. Oabba oban gräodet „Kapitalvermögen“ vofüge Hertha nich. Ganze  twoäntwindg Pännge woöan näo inna Spahdose. Un dä rnössen doa niu an löäbn!

Vondahge rnosse Hertha fo dä Moäm’m inhahln. Niu konnet ßick moall richtig ümmekuiken. Oabba dä Pruise woöan oalle teo häoge. „Joäda Wuam stäckt noa ßuina Macht!“ - Oabba hoalt! Doa wasset joa! Un datt kamm just iut! Doa loägen Häohnaoäa in'n Finsta! Datt Stück teo elbn Pännge! Un niu koaffe Hertha in! Oänt vo Vah, un oänt vo Moäm'rn! Niu haddet vo boäde watt upp Wuihnachen! Oalles Kwehln un Roatschloahn, oalles Rehken un Obaleggen was niu vobui! Oach, watt lüchtn dä Äogen?! Joa, niu konnt Wuihnachen waian!

In oalle Stille wöachen dä Oäa inna Kahman anmoalt. Joa, datt Moaln vostoätt Hertha äok vondahge näo! Kain Äostaoä eß rnuin Lihbe ßäo schön bunt wesen, oasse düsse Wuihnachtsoäa! Un dänn koärn'rn ßä ganz unna inne Kameodetrecken, unna dä Schöachtns un Hihme. Un doa loägen ßä bätt Wuihnachen.

Un watt stroahln Wuihnachen wia da Äogen, oasse Vah un Moärn'rn ßick ßäo oba dä wackan Oäa froöggen! Joa, datt wassen oannicke Wuihnachts-obaraschung! - Bleoß datt kraich Hertha äok hännig hariut, datt dä Oäa ganz annas rühken oasse datt Keks und dä Plätzken un dä Appels un Nühde. Un oasse dä Moäm'm 'n oästn Fuiadagg Noarmdagg stillken an dän oän 'n Oägge bicket hadde, däo rnössen ßä doach iuda Wuihnachtsstohbn voschwuni'n! Oabba dä Froöde un dä Loäbe blaif.